ពុទ្ធិកមហាវិទ្យាល័យទស្សនវិជ្ជា និងសាសនា  

ដើម្បីឆ្លើយតបទៅតាមកម្មវិធីសិក្សានាពេលបច្ចប្បន្ន ពុទ្ធិកមហាវិទ្យាល័យបានផ្ដល់នូវគំនិតវិភាគមួយចំនួនដល់ សមណនិស្សិត-និស្សិត ពីរបៀបគិតមិនមែនបង្រៀនថាតើអ្វីទៅជាការគិតនោះទេ ។ ពុទ្ធិកមហាវិទ្យាល័យ ទស្សនវិជ្ជា និងសាសនា អភិវឌ្ឍជំនាញការគិតបែបរិះគន់ ពេញចិត្តចំពោះចម្រុះភាពនៃវប្បធម៌ ក្លាយជាអ្នកអាន ដោយប្រុងប្រយ័ត្ន និងសរសេរបានច្បាស់លាស់និងត្រឹមត្រូវ។

• ចំណេះដឹងមូលដ្ឋានដែលបេក្ខជន ត្រូវចេះសម្រាប់សិក្សាមុខជំនាញ៖ ភាសាខ្មែរ និងពលរដ្ឋវិទ្យា។
• ដើម្បីទទួលបានសញ្ញាបត្រថ្នាក់បរិញ្ញាបត្រលើមុខជំនាញនេះ៖ មានរយៈពេល៤ឆ្នាំ ស្មើនឹង ១៤៤ ក្រេឌីត។
• ចំណេះដឹងដែលនិស្សិតទទួលបានក្រោយពីបញ្ចប់ការសិក្សារយៈពេល៤ឆ្នាំ៖
  • មូលដ្ឋានគ្រឹះនៃទស្សនវិជ្ជា ដឹងពីទស្សនវិជ្ជាប្រវត្តិសាស្ត្រ សាសនា និង ទស្សនវិជ្ជាវិទ្យាសាស្ត្រ សង្គម។
  • យល់ដឹងពីប្រវត្តិគំនិតនយោបាយ តក្កវិជ្ជា មូលដ្ឋានគ្រឹះវិទ្យាសាស្ត្រនយោបាយ
  • យល់ដឹងលើវិស័យសេដ្ឋកិច្ច សង្គម វប្បធម៌ និងជំនឿផ្សេងៗ
  • ទទួលបានចំណេះដឹង នឹងយល់ច្បាស់លាស់ និងត្រូវទស្សនវិជ្ជាពុទ្ធសាសនាថេរវាទ
  • យល់ដឹងពីទស្សនៈពុទ្ធនិយម ឬផ្លូវធម៌ និងទ្រឹស្ដីផ្លូវលោកផងដែរ ដែលជាត្រូវការចាំបាច់ក្នុង សង្គមខ្មែរ។
  • យល់ដឹងពីរូបនិយម បដិសំយោគ ផែនការយុត្តិសាស្ត្រ និងភាសាអង់ក្លេស។ល។
• អង្គភាព ឬមូលដ្ឋានដែលសិក្សាចប់មុខជំនាញនេះអាចទៅបម្រើការងារ៖
  • ជាសាស្ត្រាចារ្យទស្សនវិជ្ជា នៅតាមគ្រឹះស្ថានសិក្សា នានា
  • ជាទស្សនៈវិទូ
  • ធ្វើជាគ្រូបង្រៀន នៅតាមគ្រឹះស្ថានពុទ្ធិកសិក្សា
  • អាចបម្រើការងាររដ្ឋបាលតាមស្ថាប័នរដ្ឋ ក្រុមហ៊ុឯកជន អង្គការ និងស្ថាប័នផ្សេងៗតៀត
  • នឹងអាចក្លាយជាអ្នកដឹកនាំ ស្ថាប័ន និងសង្គមជាតិ។

បេសកកម្ម

• បង្កើនផលិតភាពធនធានមនុស្ស ទាំងបព្វជិត និងគ្រហស្ថប្រកបដោយចំណេះដឹង និងសមត្ថភាពពេញលេញ តាមរយៈការសិក្សាមូលដ្ឋានគ្រឹះទស្សនវិជ្ជា សាសនវិជ្ជា សង្គមវិទ្យា នីតិសាស្រ្ត ធម្មសាស្រ្ត និងពុទ្ធសាសនា។
• បណ្តុះបណ្តាលសមណនិស្សិត-និស្សិត ក្នុងភាពជាអ្នកដឹកនាំ អ្នកកសាងសន្តិភាព និងអហិង្សាធម៌ផ្អែក លើពុទ្ធវចនៈ និងគោលការណ៍គ្រឹះសុខដុមរម្យនីយកម្មសង្គម ក្នុងវិសាលភាពជាតិ តំបន់ និងអន្តរជាតិ។
• ផ្តល់ឱ្យសមណនិស្សិត-និស្សិតនូវសេរីភាពសិក្សា និងសេវាសិក្សាពេញលេញទាំងក្នុងក្របខ័ណ្ឌទ្រឹស្តី និង ការអនុវត្តជាក់ស្តែងក្នុងចំណេះដឹងទស្សនវិជ្ជាពុទ្ធសាសនា នីតិសាស្រ្ត សង្គមសាស្រ្ត ការស្រាវជ្រាវ និងនវានុវត្តភាពសិក្សា។
• បណ្តុះបណ្តាលសមណនិស្សិតនិស្សិតប្រកបដោយក្រមសីលធម៌ និងអភិសមាចារខ្ពស់ឆ្លើយតបទៅនឹងជំនាញ  វិជ្ជាជីវៈការងារ និងបរិយាបន្នសង្គម។
• អភិរក្ស និងផ្សព្វផ្សាយនូវអត្តសញ្ញាណវប្បធម៌ អារ្យធម៌ និងទស្សនវិជ្ជាខ្មែរក្នុងចំណោមសមាជិក ប្រជាជាតិអាស៊ានក៏ដូចជាបណ្តាប្រទេសលើសកលលោក។
• រួមចំណែកលើកស្ទួយជីវភាពរស់នៅ និងសេដ្ឋកិច្ចវប្បធម៌របស់អ្នកសិក្សា ប្រកបដោយសេចក្តីថ្លៃថ្នូរ និងនិរន្តរភាព។

គោលបំណង

• លើកកម្ពស់ការយល់ដឹងរបស់សមណនិស្សិត -និស្សិត ឱ្យកាន់តែទូលំទូលាយស្តីពីសារៈសំខាន់នៃការសិក្សាទ្រឹស្តី ទស្សនវិជ្ជាបូព៌ាប្រទេស និងបស្ចិមប្រទេសដែលជាមូលដ្ឋានគ្រឹះចម្បងនៃឯកទេសសិក្សាផ្សេងៗ ទៀតក្នុង វិស័យវិទ្យាសាស្រ្តសង្គម។
• ពង្រឹងសមត្ថភាពជំនាញរបស់សមណ និស្សិត -និស្សិត ស្របទៅនឹងតម្រូវការទីផ្សារ និងការអភិវឌ្ឍសង្គមឈរ លើមូលដ្ឋានចម្បងៗ នៃការបណ្តុះបណ្តាល រួមមាន៖     បញ្ញាសម្បទា បំនិនសម្បទា និងចរិយា សម្បទាប្រកប ដោយសង្គតិភាព។
• រួមចំណែកលើកកម្ពស់គោលការណ៍អភិបាលកិច្ចគ្រប់គ្រង គុណវុឌ្ឍិសិក្សា និងសមត្ថភាពវិជ្ជាជីវៈគ្រូបង្រៀន ដោយឈរលើមូលដ្ឋាននៃការអប់រំសម្រាប់ទាំងអស់គ្នា និងការអប់រំពេញមួយជីវិតប្រកបដោយ ចីរភាព។
• ពង្រឹងសមត្ថភាពសិក្សា និងជំនាញរបស់សមណនិស្សិត-និស្សិត តាមរយៈការអភិវឌ្ឍសមត្ថភាពស្រាវជ្រាវ ព័ត៌មានវិទ្យា និងសារគមនាគមន៍ (ICT)និងជំនាញទំនាក់ទំនងអន្តរបុគ្គល ស្របតាមកាលៈទេសៈ និងវឌ្ឍនភាពសង្គម។

1. លើកកម្ពស់មនសិការ ស្មារតី និងទំនួលខុសត្រូវ របស់សមណនិស្សិត-និស្សិត ក្នុងន័យអភិរក្ស និងថែរក្សា អត្តសញ្ញាណ វប្បធម៌ ប្រពៃណីនិងសាសនាជាតិឱ្យបានថ្កុំថ្កើង និងគង់វង្ស។

    កម្មវិធីសិក្សាតាមឆ្នាំនីមួយៗ រួមមាន៖

   ថ្នាក់ឆ្នាំមួលដ្ឋាន    ឆមាសទី១
   ល.រ	មុខវិជ្ជា	កូដ	ចំនួនម៉ោង	ក្រេឌីត
   ១	មូលដ្ឋានគ្រឹះនៃទស្សនវិជ្ជា	GI.F.Phi.FPhi	៤៥	៣
   ២	ប្រវត្តិពុទ្ធសាសនា	GI.F.Phi.HBu	៤៥	៣
   ៣	ចិត្តវិទ្យា	GI.F.Phi.Psy	៤៥	៣
   ៤	ភាសាអង់គ្លេស	GI.F.Phi.Eng	៤៥	៣
   ៥	គណិតវិទ្យា	GI.F.Phi.Math	៤៥	៣
   ៦	សិក្ខាសាលា		១៥	១
   	សរុប		២៤០	១៦

   ថ្នាក់ឆ្នាំមួលដ្ឋាន    ឆមាសទី២
   ល.រ	មុខវិជ្ជា	កូដ	ចំនួនម៉ោង	ក្រេឌីត
   ១	ភាសាអង់គ្លេស	GI.F.Phi.Eng	៤៥	៣
   ២	ទស្សនវិជ្ជាលោកខាងកើត	GI.F.Phi.PE	៤៥	៣
   ៣	ប្រវត្តិស្ថាប័នខ្មែរ	GI.F.Phi.EdA	៤៥	៣
   ៤	សិក្ខាសាលា		១៥	១
   	សរុប		២៤០	១៦

   សម្គាល់៖ សម្រាប់ឯកទេសទស្សនវិជ្ជាពុទ្ធសាសនា មុខវិជ្ជាតម្រង់ទិសមាន៖

   ־    មូលដ្ឋានគ្រឹះនៃទស្សនវិជ្ជា

   ־    ទស្សនវិជ្ជាលោកខាងកើត

   ថ្នាក់ឆ្នាំទី២ ឆមាសទី១
   ល.រ	មុខវិជ្ជា	កូដ	ចំនួនម៉ោង	ក្រេឌីត
   ១	សេចក្ដីផ្ដើមព្រះអភិធម្ម	GI.Phi.IAb	៦២	៤
   ២	ពុទ្ធសាសនវិធីក្នុងកម្ពុជរដ្ឋ	GI.Phi.RRC	៦២	៤
   ៣	ប្រវត្តិទស្សនវិជ្ជាពិភាពលោក	GI.Phi.HWPh	៦២	៤
   ៤	ពុទ្ធវិន័យ១	GI.Phi.MCD	៣២	២
   ៥	ទស្សនវិជ្ជាខ្មែរ	GI.Phi.KPh	៣២	២
   ៦	ទស្សនវិជ្ជាច្បាប់	GI.Phi.PhL	៣២	២
   ៧	សិក្ខាសាលា		១៥	១
   សរុប			២៩៧	១៩